Farg‘ona shahrida Yoshlar kuni munosabati bilan “Sog‘lom hayot uchun 5000 qadam” loyihasi doirasida yurish marafoni tashkil etildi.

Mazkur tadbir Islom Karimov nomidagi teatr va konsert saroyi bog‘ida bo‘lib o‘tdi. Unda shahar hokimi boshchiligida hokimlik xodimlari, turli tashkilot va idoralar vakillari hamda faol yoshlar keng ishtirok etdi.

Marafon sog‘lom turmush tarzini targ‘ib qilish, yoshlar o‘rtasida jismoniy faollikni oshirish va aholi salomatligini mustahkamlashga qaratilgani bilan ahamiyatlidir.