Farg‘ona shahar hokimi hamda mutasaddi tashkilotlar vakillari bilan birgalikda shahardagi “Sobir buloq” mahalla fuqarolar yig‘inining yangi binosi qurilish jarayoni bilan yaqindan tanishildi.

Tashrif davomida qurilish ishlarining borishi, yaratilayotgan sharoitlar hamda ob’ektning zamonaviy talablarga mos ravishda barpo etilishi ko‘zdan kechirildi. Mutasaddilar tomonidan qurilish sifatini ta’minlash, ishlarni belgilangan muddatlarda yakunlash hamda mahalla aholisiga qulaylik yaratish masalalariga alohida e’tibor qaratildi.

Shuningdek, yangi bino foydalanishga topshirilgach, fuqarolar uchun keng va qulay xizmatlar ko‘rsatish imkoniyati yaratilishi ta’kidlandi. Tashrif yakunida tegishli mas’ullarga qurilish ishlarini jadallashtirish bo‘yicha ko‘rsatmalar berildi.