Farg‘ona jamoat salomatligi tibbiyot instituti 2020-yilda tashkil etilgan. Institutning ta’lim dasturi 5 yil muddatga ECAQA agentligi tomonidan xalqaro akreditatsiyadan o’tkazilgan.

Institutda Tibbiy profilaktika va jamoat salomatligi fakulteti, Xalqaro fakultet, Pediatriya fakulteti va Davolash ishi fakulteti mavjud.

Kafedralar qatoriga Terapiya yo’nalishidagi fanlar, Nevrologiya va psixiatriya, Endokrinologiya, gematologiya va ftiziatriya, Pediatriya, Mikrobiologiya, virusologiya va immunologiya, O’zbek va xorijiy tillar, Kommunal va mehnat gigienasi, Tibbiy va biologik kimyo, Epidemiologiya va yuqumli kasalliklar, hamshiralik ishi, Umumiy jarrohlik, Ovqatlanish, bolalar va o’smirlar gigienasi kafedralari kiradi.

Institut zamonaviy moddiy-texnika bazasiga ega bo’lib, talabalarga yuqori sifatli ta’lim berish uchun barcha sharoitlar yaratilgan. Institutning klinik bazasi sifatida Farg’ona viloyati yuqumli kasalliklar shifoxonasi belgilangan.

Institut rektori - Sidikov Akmal Abdikaxarovich. Manzil: Farg‘ona shahar, Yangi Turon, 2-a uy.