Farg‘ona shahar madaniyat bo‘limi tomonidan Ahmad Farg‘oniy nomidagi Farg‘ona viloyat axborot-kutubxona markazida O‘zbekiston Yozuvchilar uyushmasi a’zosi, dramaturg va adib Saydali Odilov ishtirokida ijodiy uchrashuv tashkil etildi.

Tadbirda viloyat hokimi maslahatchisi Sohibjamol Abdullayeva, Yozuvchilar uyushmasi raisi Dilshodaxon Ergasheva, O’zbekiston xalq artisti professor Sultonali Mannopov, hamda “Nuroniylar” jamg‘armasi raisi Akram Yo‘lbarsov ishtirok etib, adibning hayoti va ijodi haqida so‘z yuritdilar.

Farg‘ona viloyat musiqali drama teatri ijrosidagi sahna ko‘rinishlari va musiqiy chiqishlar esa she’riyat va san’at ixlosmandlari, nuroniylar hamda faxriylar qalbida bayramona kayfiyat uyg‘otdi.