Farg‘ona shahri “Alisher Navoiy” MFY yoshlar yetakchisi tashabbusi bilan, shahardagi 1-sonli ixtisoslashtirilgan maktab-internati hamkorligida maktab o’quvchilari uchun foydali tashrif tashkil etildi.

Ushbu tashrif doirasida maktab o‘quvchilari Farg‘ona shahridagi Yoshlar markaziga borib, u yerda yoshlar uchun yaratilgan zamonaviy sharoitlar, imkoniyatlar, o‘quv kurslari va qiziqarli loyihalar bilan yaqindan tanishdilar.

Bu kabi tashriflar yoshlarda kelajakka ishonch, ijtimoiy faollik va shaxsiy rivojlanishga intilishni kuchaytiradi. Shu bilan birga, mahalladagi ta’lim muassasalari va yoshlar yetakchilari o‘rtasidagi hamkorlik yanada mustahkamlanmoqda.