Farg‘ona shahrida maktabgacha va maktab ta’limi tizimida faoliyat olib borayotgan fidoyi ustozlar ishtirokida “Mahoratli o‘qituvchi – millat tayanchi” shiori ostida IV-Ustozlar milliy forumi bo‘lib o‘tdi.

Forumda Farg‘ona shahar hokimi Vosiljon Nazarov, ta’lim muassasalari rahbarlari, ilg‘or yutuqlarga erishgan o‘qituvchi va tarbiyachilar ishtirok etdilar.

Tadbirda so‘zga chiqqan shahar hokimi Vosiljon Nazarov barcha ishtirokchilarni Vatanimiz mustaqilligining 34 yilligi bilan samimiy tabrikladi.

Shuningdek, hokim tomonidan maktabgacha va maktab ta’limi tizimida amalga oshirilgan ishlanmalar, o‘quvchilar va pedagoglarning natijalari, fan olimpiadalaridagi yutuqlar hamda kelgusidagi rejalar haqida atroflicha ma’lumot berildi.

Forum doirasida faol va yutuqlarga erishgan o‘qituvchi hamda tarbiyachilar e’tirof etilib, Farg‘ona shahar hokimligining esdalik sovg‘alari bilan taqdirlandi.