Mustaqilligimizning 34 yillik bayrami arafasida Farg‘ona shahrida zamonaviy va xalqaro standartlarga javob beradigan “Fergana school” xususiy maktabining ochilish marosimi bo‘lib o‘tdi.

Ushbu tadbirda shahar hokimi Vosiljon Nazarov, jamoatchilik vakillari hamda o‘quvchi yoshlar ishtirok etdi.

“Fergana school” xususiy maktabi to‘liq xususiy tashabbus asosida tashkil etilgan bo‘lib, zamonaviy talablarga javob beradigan o‘quv binosi, sinf xonalari, IT-laboratoriyalar, xorijiy tillarga ixtisoslashgan markazlar va fudbol o'yingohi qurilgan.

Maktabning ta’lim quvvati:

Jami o‘quvchi qabul qilish imkoniyati 800 nafarni tashkil etadi,
1-bosqichda 500 o‘ringa mo‘ljallangan bo‘lib, 2-bosqichda qo‘shimcha bino qurilishi xisobiga yana 300 o‘rinli yangi bino foydalanishga topshirildi.

Maktabning ochilishi orqali shahar aholisi uchun ham muhim imkoniyatlar yaratildi:
1-bosqichda 70 nafar ishchi o‘rin yaratilgan bo‘lsa, 2-bosqichda yana 30 ta ishchi o‘rin yaratildi. Ular orasida malakali o‘qituvchilar, ma’muriy xodimlar, psixolog, logoped, tibbiy xodimlar va boshqa xizmat ko‘rsatuvchi mutaxassislar ish bilan ta’minlandi.

Maktabni 2024-2025 o‘quv yilida tamomlagan 25 nafar birinchi bitiruvchi orasidan 22 nafari oliy ta’lim muassasalariga qabul qilindi. Ularning 5 nafari davlat granti asosida 17 nafari to‘lov-shartnoma asosida.