Farg‘ona shahridagi Besh bola mahallasida yurtimiz mustaqilligining 34 yilligi keng nishonlandi. Bayram tadbiri ko‘tarinki ruhda, bayramona shukuhda o‘tkazildi.

Bayramning eng quvonchli lahzalaridan biri – 8 nafar bolajonga xatna to‘ylari tashkil etilib, ularga esdalik sovg‘alari topshirildi. Bu esa mahalla aholisi va bolalar uchun haqiqiy bayram tuyg‘usini ulashdi.

Tadbirda el suygan san’atkorlar ishtirok etib, kuy-qo‘shiqlari orqali bayramga yanada fayz kiritishdi.

Mustaqillik bayrami – bu nafaqat katta tarixiy sana, balki xalqimiz birligi va totuvligining, ezgu orzu-umidlarining ifodasidir.