Mustaqilligimizning 34 yilligi arafasida Farg‘ona shahrida yana bir zamonaviy ko‘p qavatli turar joy foydalanishga topshirildi. Yangi bino Farg‘ona shahar, Shakarqishloq mahalla fuqarolar yig‘inida, Tarona ko‘chasida qad rostladi. Ushbu turar joy “Farg‘ona Umid yulduzlari” mas’uliyati cheklangan jamiyati tomonidan qurib bitkazildi. Bino 12 qavatdan iborat bo‘lib, unda jami 72 ta xonadon mavjud.

Zamonaviy arxitektura talablariga mos ravishda barpo etilgan mazkur turar joyda har bir xonadon to‘liq muhandislik tarmoqlari bilan jihozlangan — elektr, issiqlik, suv ta’minoti kabi infratuzilmalar, liftlar, kuzatuv kameralari bilan ta’minlangan.