Farg‘ona shahrida xorijiy tillarni o‘qitish sifati va samaradorligini oshirish, ilg‘or tajribalarni ommalashtirish maqsadida tashkil etilgan “Xorijiy tillarni o‘qitish bo‘yicha eng yaxshi maktab” tanlovining shahar bosqichi o‘z yakuniga yetdi.

Shahar bosqichida g‘oliblikni qo‘lga kiritish uchun 46 ta maktabdan jami 230 nafar 7-8-9-sinf o‘quvchisi ingliz tili bo‘yicha bilimlarini sinovdan o‘tkazishdi.

Shahar hokimi ishtirokida tanlov g‘oliblari taqdirlandilar. Unga ko‘ra 21-maktab 3-o‘rinni, 4-maktab 2- o‘rinni va faxrli birinchi o‘rinni 2- maktab o‘quvchilari qo‘lga kiritdi. Gʻoliblarga shahar hokimligining pul mukofotlari topshirildi. 

Mazkur tanlov xorijiy tillarni o‘qitishda raqobat muhitini yaratish va tajriba almashish imkoniyatlarini kengaytirishga xizmat qilishi bilan e’tiborlidir.