Farg‘ona shahar hokimi “Oq ariq” mahallasi hududida istiqomat qiluvchi harbiy xizmatni o‘tab qaytgan yoshlarning uylariga tashrif buyurdi. Tashrif davomida yoshlar hamda ularning ota-onalari bilan samimiy suhbatlar o‘tkazildi.

Uchrashuv jarayonida harbiy xizmatdan qaytgan yigitlarning bugungi kundagi hayoti, kelajakdagi rejalari hamda ularning kasb-hunar egallashi masalalari muhokama qilindi. Shuningdek, yoshlarning bandligini ta’minlash, ularni tadbirkorlik va turli sohalarga jalb etish bo‘yicha taklif va fikrlar almashildi.

Shahar hokimi yoshlarning harbiy xizmat davomida orttirgan tajribasi va intizomi kelajakda jamiyat uchun muhim ahamiyat kasb etishini ta’kidladi. Shu bilan birga, ularning bilim va ko‘nikmalarini rivojlantirish, doimiy ish bilan ta’minlash masalalari mahalla va tegishli tashkilotlar bilan hamkorlikda hal etilishi qayd etildi.