Farg‘ona shahrida ko‘p qavatli uylarning elektr energiyasi tizimini yaxshilash ishlari izchil davom etmoqda.

Xususan, Farg‘ona shahar Elektr tarmoqlari korxonasi tomonidan shahardagi Nodirabegim, Do‘stlik, Sohibqiron Temur va Iftixor mahalla fuqarolar yig‘inlarida joylashgan ko‘p qavatli uylarning elektr shitlari tartibga keltirilib, eskirgan elektr simlari yangilariga almashtirilmoqda.

Bugungi kunga qadar mazkur MFYlardagi ko‘p qavatli uylarida jami 11 200 metr yangi elektr simlari tortildi. Amalga oshirilgan ishlar natijasida 616 ta xonadonning elektr ta’minoti yanada xavfsiz va barqaror holatga keltirildi.