2025-yil 28-oktabr kuni Farg‘ona shahridagi 25-umumta’lim maktabida jamiyat hayotida faol ishtirok etayotgan, har jihatdan ibratli xotin-qizlarni qo‘llab-quvvatlash, gender tenglikni ta’minlash borasida olib borilayotgan islohotlarni keng targ‘ib etish maqsadida “Yil ayoli” milliy tanlovining shahar bosqichi o‘tkazildi.

Tanlov nizomiga ko‘ra, joriy yilgi jarayonlarda 35 yoshdan yuqori, o‘z yo‘nalishi bo‘yicha kamida 5 yil davomida uzluksiz faoliyat yuritib kelayotgan ayollar, shuningdek uy bekalari ishtirok etdilar.

✨ Hakmlar hay’ati tomonidan nomzodlar orasidan yuqori ko‘rsatkichlarga erishgan, e’tirofga sazovor yutuq va marralarni qo‘lga kiritgan ayollar saralanib, viloyat bosqichiga tavsiya etildi.