Farg‘ona shahrida iqtidorli va faol xotin-qizlar o‘rtasida an’anaviy tarzda o‘tkazilib kelinayotgan “Zulfiya” nomidagi davlat mukofotining shahar bosqichi yuqori saviyada tashkil etildi.

Tanlovda jami 56 nafar xotin-qizlar jamiyatning turli sohalarini qamrab olgan 8 ta yo‘nalish bo‘yicha ishtirok etdi.

Ular ta’lim va fan, madaniyat va san’at, sport, jamoatchilik faoliyati, axborot texnologiyalari hamda adabiyot yo‘nalishlarida o‘z iqtidor va mahoratlarini namoyon etdilar.

Tadbirning ochilish marosimida Farg‘ona shahar hokimligi va tegishli ijtimoiy soxa vakillari hamda faol yoshlar ishtirok etishdi.

Baholash jarayoni sohaviy mutaxassislardan iborat hay’at tomonidan amalga oshirildi.

G‘oliblar viloyat bosqichiga yo‘llanma olishadi.

Shuningdek, faol ishtirok etgan xotin-qizlarga Farg‘ona shahar hokimligi tomonidan faxriy yorliqlar topshirildi.