Ahmad Farg‘oniy nomidagi viloyat axborot-kutubxona markazida “O‘zbekiston – kitobxonlar yurti” V Respublika kitobxonlik haftaligi doirasida bolalar shoiri Qobiljon Shermatovning ijodiga bag‘ishlangan kitob taqdimoti bo‘lib o‘tdi.

Tadbirda Farg‘ona shahridagi 9-maktabning 9-sinf o‘quvchilari faol ishtirok etdilar. Kitobsevar o‘quvchilar shoirdan ilhomlanib, uning asarlaridan ruhlanib, jonli muloqot davomida ijodiy jarayon sir-asrorlari va adabiyotga bo‘lgan mehr haqida boy ma’lumotlarga ega bo‘ldilar.

Uchrashuvda 9-A sinf o‘quvchisi Subxiddinov Dilshux o‘zining ijod namunalarini o‘qib, adabiyotga bo‘lgan qiziqishini namoyish etdi. Tadbir ishtirokchilar uchun nafaqat kitob taqdimoti, balki adabiy ilhom manbai bo‘ldi.