O‘zbekiston Respublikasi Vazirlar Mahkamasining "Yetim bolalar va ota-ona qaramog‘idan mahrum bo‘lgan bolalarni ijtimoiy qo‘llab-quvvatlashga doir qo‘shimcha chora-tadbirlar to‘g‘risida"gi 2021 yil 25 oktyabrda qabul qilingan 656-sonli qarori ijrosini ta’minlash maqsadida shahrimiz miqyosida muhim ijtimoiy tadbirlar amalga oshirilmoqda. Bu borada olib borilayotgan chora-tadbirlardan biri sifatida 4 nafar yoshlarga ko‘p qavatli uylardan turar joy kalitlari topshirildi.

Yangi xonadonlarga ega bo‘lgan yoshlar o‘z minnatdorchiliklarini bildirib, davlat tomonidan ko‘rsatilayotgan bunday e’tibor va g‘amxo‘rlik ularning kelgusi hayotda faol, mehnatsevar va jamiyatga foyda keltiradigan fuqaro bo‘lib shakllanishlarida muhim omil ekanini ta’kidladilar.