Farg‘ona tumanida joylashgan «Xotira maydoni»da Xotira va qadrlash kuni hamda Ikkinchi jahon urushida qozonilgan buyuk G‘alabaning 80 yilligi munosabati bilan tantanali bayram tadbirlari tashkil etildi.

Mazkur tadbir bugungi tinch va osoyishta hayotimizga zamin yaratgan jasur avlod vakillarini yod etish, ularning xotirasiga hurmat bajo keltirish, hayotda bo‘lgan faxriylarni e‘zozlash maqsadida o‘tkazildi.

Tadbir avvalida milliy bayrog‘imiz ranglarini o‘zida mujassam etgan sharaf lentalari aholiga, yoshlar, faxriylar hamda jamoatchilik vakillariga tarqatildi. Ushbu ramziy lentalar – Vatanga sadoqat, tinchlik va barqarorlik yo‘lida jonini fido qilgan yurtdoshlarimiz xotirasiga hurmat ifodasi sifatida tantanali tarzda taqdim etildi.