Giyohvandlik — bu nafaqat bir insonning, balki butun oilaning, jamiyatning, hatto millatning kelajagini xavf ostiga qo‘yuvchi yashirin xavfdir. U inson salomatligini asta-sekin yemirib, ongni asir etadi, orzularni so‘ndiradi va imkoniyatlarni yo‘qqa chiqaradi.

Bugun butun dunyo oldida turgan eng dolzarb vazifalardan biri — yosh avlodni bu illatdan asrash, giyohvandlikka qarshi kurashishda faqat huquqiy emas, balki ma’naviy immunitetni shakllantirishdir. Zero, sog‘lom jamiyat — bu sog‘lom fikrli, maqsadli va ongli insonlardan boshlanadi.

🟢Quvasoy shahar H.Olimjon MFY hududidagi maydonda ayni shu mavzu bo‘yicha ma’naviy-ma’rifiy tadbir tashkil etildi. Ushbu tashabbusda faol yoshlar, keng jamoatchilik vakillari hamda shahar aholisi ishtirok etib, aholiga giyohvandlikning zararli oqibatlari haqida tushunchalar berildi va maxsus qo‘llanmalar tarqatildi.

🎥Tadbir so‘ngida shahar aholisiga xush kayfiyat ulashish maqsadida Madaniyat bo‘limi tomonidan tayyorlangan konsert dasturi namoyish etildi.