1. Bosh sahifa
2. Yangiliklar

"Аl-Xorazmiy" mahalla fuqarolar yigʼini hududida mini futbol oʼyingohi foydalanishga topshirildi

×

Аyni kunlarda Fargʼona shahridagi mahalla fuqarolar yigʼinlarida Oʼzbekiston Respublikasi Prezidentining 2022 yil 25 oktyabrdagi «2022-2023 yillarda mahallalar infratuzilmasini yanada yaxshilash boʼyicha qoʼshimcha chora-tadbirlar toʼgʼrisida»gi PQ-408-sonli qaroriga asosan keng koʼlamli ishlar olib borilmoqda.

Xususan, "Аl-Xorazmiy" MFY hududidagi 35 ta koʼp qavatli uylar tutash hududlarida 5 ta bolalar maydonchasi, 1 ta sport kompleksi qurilishi belgilangan. Hozirda bolalar maydonchalarida qurilish-montaj ishlari davom etmoqda. Mazkur ishlar uchun respublika byudjetidan 1 mlrd. 500 mln. soʼm mablagʼ ajratilgan.

Bugun mahalladagi 26-maktab hududiga qurilgan mini futbol oʼyingohining ochilish marosimi oʼtkazildi. Unda shahar hokimi Vosiljon Nazarov, mahalla faollari, taʼlim muassasasi vakillari ishtirok etishdi. 9- va 11-sinf jamoalari oʼrtasida ilk oʼrtoqlik uchrashuvi tashkillandi.