1. Bosh sahifa
2. Yangiliklar

Obodonlashtirish boshqarmasi xodimlariga zamonaviy mehnat qurollari topshirildi

×

Fargʼona shahridagi barcha markaziy koʼchalar, jamoat joylari, hiyobonlar hamda aholi dam olish maskanlarining ozoda boʼlishi, koʼkalamzorlashtish ishlarining bajarilishida obodonlashtirish boshqarmasi xodimlarining oʼrni beqiyos. Erta tongdan ishga otlangan har bir xodim shahrimizning kundan kun chiroy ochib borishida sidqidildan mehnat qilishmoqda. 

Аlbatta, bu jarayonlarda ularning yukini yengil qiluvchi mehnat qurollarining mavjudligi muhim hisoblanadi. Bugun Fargʼona shahar hokimi Vosiljon Nazarov bir guruh boshqarma xodimlari bilan uchrashdi. Boshqarma xodimlarining mashaqqatli va samarali mehnatlari eʼtirof etildi. Ular bilan ayni kunlarda bajarilishi muhim boʼlgan vazifalar boʼyicha suhbatlashdi. 

Ishchi-xodimlarning fikrlari eshitildi, takliflari oʼrganildi. Tadbir davomida ishchilarga 50 ta zamonaviy oʼt oʼrish moslamalari topshirildi.

Fargʼona shahar hokimligi Аxborot xizmati