1. Bosh sahifa
2. Yangiliklar

«Muqaddasdir Vatan bayrogʼi!» shiori ostida maʼnaviy-maʼrifiy tadbir oʼtkazildi

×

Fargʼona shahridagi «Temurbeklar maktabi» harbiy akademik litseyida Oʼzbekiston Respublikasi bayrogʼi qabul qilinganligining 31 yilligi munosabati bilan «Muqaddasdir Vatan bayrogʼi!» shiori ostida maʼnaviy-maʼrifiy tadbir oʼtkazildi. Tantanali tadbirda Respublika Maʼnaviyat va maʼrifat markazi viloyat boʼlimi va shahar boʼlinmasi vakillari, taʼlim muassasasining oʼqituvchi va oʼquvchilari hamda keng jamoatchilik vakillari ishtirok etishdi.

Tadbirni Respublika Maʼnaviyat va maʼrifat markazi Fargʼona viloyati boʼlim boshligʼi Maqsudjon Sulaymonov ochib, bayrogʼimizning 31 yilligi bilan yigʼilganlarni tabrikladi hamda oʼquvchilarga bayroq toʼgʼrisida tushunchalar va maʼlumotlar berdi.

Tadbir davomida 1-bosqich oʼquvchilaridan tashkil topgan "Tashabbuskor" va 2-bosqich oʼquvchilaridan tashkil topgan "Temurbeklar" jamoalari oʼrtasida intellektual bellashuv oʼtkazildi. Jamoalar 1-shartda bayroq haqida maʼlumotlar va sheʼrlar aytildi. 2-shartda "Zakovat" intellektual oʼyini tashkillandi. 3-shartda guruhlar Oʼzbekiston Respublikasi bayrogʼi rasmini chizib, taʼriflab berishdi.

Fargʼona shahar madaniyat boʼlimining Аbdulla Qodiriy markazi sanʼatkorlari va iqtidorli oʼquvchilari tomonidan ijro etilgan kuy-qoʼshiqlar barchaga manzur boʼldi. Tadbir soʼngida bellashuvda gʼolib boʼlgan jamoa va faol ishtirokchilarga diplom va esdalik sovgʼalari topshirildi. 

Fargʼona shahar hokimligi Аxborot xizmati