1. Bosh sahifa
2. Yangiliklar

"Moʼʼjiza yaratuvchi ayollar karvoni" shiori ostida hunarmandlar koʼrgazmasi oʼtkazildi

×

Fargʼona shahar oila va xotin-qizlarni qoʼllab-quvvatlash boʼlimi tomonidan Sharqiy harbiy okrugining madaniyat saroyida hunarmandlar koʼrgazmasi, mehnat yarmarkasi hamda madaniy dastur oʼtkazildi. Tadbirni shahar hokimi oʼrinbosari Dilshodaxon Xolmatova ochib, mamlakatimizda xotin-qizlarni qoʼllab-quvvatlash maqsadida olib borilayotgan ishlar haqida toʼxtalib oʼtdi. 

Tadbirga taklif etilgan shahrimizdagi 20 ga yaqin ayol hunarmandlar oʼzlari tomonidan yasalgan mahsulotlari bilan koʼrgazmada ishtirok etdilar. Koʼrgazma va mehnat yarmarkasida shahrimizdagi "Аyollar daftari"ga kiritilgan ishsiz ayollar ham ishtirok etdi.
Tadbirlar davomida hunarmandlar tomonidan ishtirokchilarga ish jarayonlari haqida batafsil maʼlumotlar berildi. Mazkur hunarlarni oʼrganish istagini bildirgan xotin-qizlarga "Ustoz-shogird" anaʼnasiga koʼra ustalar biriktirildi.

Shundan soʼng, mehnat yarmarkasi orqali shahrimizdagi boʼsh ish oʼrinlari haqida ishsiz xotin-qizlarga maʼlumotlar berildi. Kontsert dasturida esa shahar madaniyat boʼlimining xushovoz xonandalari tomonidan dilrabo kuy-qoʼshiqlar ijro etildi. Oʼtkazilgan tadbir barchada katta taassurot qoldirdi.

Fargʼona shahar hokimligi Аxborot xizmati