1. Bosh sahifa
2. Yangiliklar

Fuqarolar hamda tashkilot, korxona va muassasalarning rahbarlari diqqatiga

×

Ob-havo haroratining pasayib borishi natijasida gaz va boshqa turdagi muqobil yoqilgʼi isitish moslamalaridan foydalanishga boʼlgan extiyoj ortib boradi. Bunday paytlarda isitish moslamalaridan notoʼgʼri foydalanish oqibatida koʼngilsiz hodisalar sodir boʼlishi hamda insonlar is gazidan zaharlanishi mumkin.Shu munosabat bilan, bunday koʼngilsiz hodisalarni oldini olish maqsadida gaz uskunalaridan va isitish moslamalaridan foydalanishda quyidagi yongʼin va xavfsizlik talablariga rioya qilishingizni soʼraymiz:qoʼlbola va nosoz gaz isitish moslamalaridan foydalanmang;tungi vaqt aholi turar joylarida oʼrnatilgan isitish tizimini nazoratsiz qoldirmang;oshxonada oʼrnatilgan tabiiy gazda ishlovchi gaz plitalardan xonalarni isitish maqsadida foydalanmang;isitish pechlari va ularning moʼrilarini sozligiga, ularni turli buyum va toʼsiqlar bilan berkitilmasligiga hamda maxsus tashkilotlar tomonidan oʼz vaqtida tozalanishiga alohida eʼtibor bering;isitish moslamalari yaqinida yonuvchan buyumlarni saqlamang;isitish moslamalaridan foydalanishda ularni ishlab chiqargan korxonaning tavsiya va yoʼriqnomasi talablariga rioya qiling;gaz uskunalarni ulash tartib qoidalariga rioya qiling va ularga rezina shlangalar orqali ulanishga yoʼl qoʼymang;agarda xonada gaz hidini sezsangiz, chiroq va uchqun chiqaruvchi moslamalardan aslo foydalanmang, darhol xonani shamollating hamda “104” telefon raqami bilan gaz xizmatiga zudlik bilan xabar bering;bolalarni yolgʼiz qoldirmang.Ushbu qoidalarga rioya etish bilan Siz oʼzingiz va yaqinlaringizni hamda uy-joyingizni koʼngilsiz hodisalardan saqlagan boʼlasiz.

Fargʼona shahar Favqulodda vaziyatlar boʼlimi