1. Bosh sahifa
2. Yangiliklar

1-sektor hududidagi "Shakarqishloq" mahallasida shahar hokimining sayyor qabuli oʻtkazildi

×

Bugun Fargʻona shahar hokimi Vosiljon Nazarov tomonidan jismoniy va yuridik shaxslar uchun sayyor qabul oʻtkazildi. Qabul jarayonida Oʻzbekiston Respublikasi Prezidentining Fargʻona shahar xalq qabulxonasi mudiri Gʻayratjon Pattayev hamda hokim oʻrinbosarlari ham ishtirok etishdi.
Qabul davomida oltmish nafarga yaqin jismoniy va yuridik shaxslardan tushgan murojaatlar, masʼul rahbarlar ishtirokida oʻrganildi. Yigirmaga yaqin murojaatlar ijobiy hal qilindi.
Kelib tushgan murojaatlar boʻyicha belgilangan tartibda oʻrganib chiqish va natijasi boʻyicha mualliflarga maʼlum qilish uchun masalaga daxldor xodimlarga tegishli topshiriqlar berildi.
Qabul soʻngida oʻtgan sayyor qabullar davomida qayd etilgan murojaatlarning oʻrganilishi, ijobiy hal etilishi tahlil qilindi. Fuqarolarning murojaatlariga eʼtiborsiz boʻlgan masʼullar qatʼiy ogohlantirildi.