1. Bosh sahifa
2. Yangiliklar

Harbiy qismda uchrashuv

×

Farg’ona shahrida joylashgan harbiy qismda kelajak avlodlarini vatanparvarlik ruhida tarbiyalash, ular qalbida mardlik, matonat va  jasorat kabi fazilatlarni shakllantirish hamda harbiy xizmatga bo’lgan qiziqishlarini oshirish maqsadida harbiy xizmatchilarning shahrimiz yoshlari bilan uchrashuvi tashkillandi.

Samimiy muloqot chog’ida qism ofitserlari o’quvchi yoshlarga Qurolli Kuchlarimizda amalga oshirilayotgan islohotlar, harbiy xizmatchilarga yaratilgan shart-sharoit va imtiyozlar haqida gapirib berishdi. So’ngra ularni harbiy qismdagi maxsus mashg’ulot xonalari bilan yaqindan tanishtirdilar.

Taassurotlarga boy tarzda o’tgan uchrashuv yosh avlod vakillarining sharafli kasbga bo’lgan hurmatlarini yanada oshirdi, kelajakda ular ham harbiy xizmatchilar qatoriga qo’shilib, ona yurtimizni himoya qilishga ahd qilishdi.