Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Faol terimchilarga esdalik sovgʼalari topshirildi
2022-10-17 02:17:42 807
Bugun shahar hokimi oʼrinbosari Dilshodaxon Xolmatova hamda Respublika Maʼnaviyat va maʼrifat markazi shahar boʼlinmasi rahbari Аzizbek Soyibnazarovlar Fargʼona tumanidagi “FERGANA OSEANA“ klastriga qarashli dala maydonlarida paxta yigʼim-terim ishlarida faol qatnashayotgan shahrimiz hasharchilari bilan uchrashdilar.
Fargʼona shahar hokimligi tomonidan hasharchilarga faolliklari uchun oʼz minnatdorchilik bildirildi. Paxtani yogʼin-sochin kunlarga qoldirmay yigʼib-terishda mehnatlarini ayamay oʼz hissalarini qoʼshib kelayotgan Fargʼona shahrimizda yashovchi koʼngilli aholi vakillaridan tashkil topgan hasharchi paxtakorlarga hokimlikning esdalik sovgʼalari topshirildi.
Shuningdek, Fargʼona shahar madaniyat boʼlimi tomonidan hasharchilar uchun madaniy dastur namoyish etildi. Xushovoz xonandalar tomonidan ijro etilgan kuy-qoʼshiqlar hasharchilarni raqsga chorladi.
Fargʼona shahar hokimligi Аxborot xizmati
