1. Бош сахифа
2. ШАҲАР ҲАҚИДА
3. Фарғона давлат университети

ТАШАББУСЛИ БЮДЖЕТ: Мактабгача таълим ташкилотининг ёзги айвонлари янгиланмоқда

"Ташаббусли бюджет" орқали кўплаб маҳаллаларнинг инфратузилмаси яхшиланмоқда, корхона ва ташкилотларнинг моддий-техник базаси яхшиланмоқда, шунингдек таълим муассасалари бўйича тушган таклифлар ҳам ғолиб бўлиб, қурилиш ва таъмирлаш ишлари олиб борилмоқда.
28-ДМТТнинг ёзги айвонлари авария ҳолатида бўлиб талабга жавоб бермас эди. Тарбияланувчилар иссиқ кунларда ҳам хонада бўлишар эди. Мазкур боғчага беседкалар қуриш бўйича тушган таклиф ташкилот ходимлари, "Мустақиллик" маҳалласи фуқаролари ҳамда ота-оналар томонидан қўллаб-қувватланди. 
Ҳозирда қурувчилар томонидан мактабгача таълим ташкилотининг 4 та ёзги айвонлари қурилиб, пардозлаш ишлари олиб борилмоқда. Мазкур ишлар учун 300 млн. сўмга яқин маблағ сарф этилиши белгиланган.
Мустақиллигимизнинг 32 йиллиги тантаналари арафасида ёзги айвонлар таълим муассасаси ходимлари ҳамда тарбияланувчилари фойдаланиши учун топширилади.