Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Ehtiyojmand oilalar hamda yakka-yolgʼizlarga yuzga yaqin elektr isitgichlar topshirildi
2023-01-23 09:27:00 204
Аvval xabar berganimizdek, shahrimizdagi masʼullar tomonidan xonadonlarda kuz-qish mavsumini oʼrganish maqsadida xatlov oʼtkazilmoqda. Xatlov natijasida xonadonlarda aniqlangan muammolar tezkorlik bilan bartaraf etilmoqda.
Oziq-ovqat mahsulotlariga ehtiyoji boʼlgan oilalarga shahar hokimligi tomonidan zaruriy mahsulotlar berilmoqda. Shuningdek, xatlovda ehtiyojmand oilalar hamda yakka-yolgʼiz yashayotgan fuqarolarning elektr isitgichlarga ehtiyoji borligi aniqlandi. Oʼtgan kunlar davomida ehtiyojmand oilalar va yakka-yolgʼizlarga shahar hokimligi tomonidan ajratilgan yuzga yaqin elektr isitgichlar hokimning oila va xotin-qizlar masalalari boʼyicha oʼrinbosari Dilshodaxon Xolmatova tomonidan yetkazib berildi.
Oila vakillari hamda yakka-yolgʼiz yashayotgan fuqarolar bunday koʼrsatilgan eʼtibor va gʼamxoʼrlikdan mamnun ekanliklarini bildirishdi.
Fargʼona shahar hokimligi Аxborot xizmati
