Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
Oʼnga yaqin fuqarolarga nogironlik aravachalari, yurish va eshitish moslamalari topshirildi
2022-11-11 13:11:03 230
Viloyat prokuraturasi tomonidan “Ijtimoiy himoyaga muhtoj va nogironligi boʼlgan yoshlarni himoyalash” nomli tadbir doirasida Fargʼona shahridagi 1 va 5-sonli oilaviy poliklinikalarida ommaviy tibbiy-koʼriklar tashkil etildi. Tadbir davomida Fargʼona shahrida xatlov natijasida aniqlangan jami 166 nafar turli kasalliklar bilan betob boʼlgan va tibbiy koʼrikka muhtoj shaxslarning 125 nafari malakali shifokorlar tomonidan tibbiy koʼrikdan oʼtkazildi. Shundan, 18 nafarining hujjatlari oʼtkazilgan tibbiy koʼrik natijalari asosida nogironlik guruhi belgilanishini koʼrib chiqish uchun viloyat tibbiy-mehnat ekspert kommissiyasiga taqdim etildi. Ijtimoiy himoyaga muhtoj boʼlgan 9 nafar shaxs oʼzining yashash joylarida tibbiy koʼrikdan oʼtkazilib, ularning 3 nafariga nogironlik aravachalari, 3 nafariga yurish moslamasi va 1 nafariga eshitish moslamalari taqdim etildi.
