1. Бош сахифа
2. Янгиликлар

Байрам тадбирида жамоатчилик ишларида фаол бўлган фуқаролар тақдирланди

×

1 сектор ҳудудидаги "Тинчлик" маҳалла фуқаролар йиғинида ҳам Наврўз умумхалқ байрами муносабати билан маданий тадбир ўтказилди. Маҳалла гузарида ўтган халқимизнинг урф-одатларига айланган Давришона тадбири наҳорги нонушта билан бошланди.

Маҳалла аҳли соғ ва саломат баҳор фаслига келингани, жорий йилида ҳам тинчлик-омонлик бўлиши ҳамда дехқончиликларимиз, топган даромадларимиз баракали бўлишини ният қилиб нуронийларимиз томонидан дуолар қилинди. Қўйлар сўйилиб эҳсон қилинди.

Байрам тадбирига хотин-қизлар ҳам таклиф қилинди. Шўх куй-қўшиқлар ижро этилди. Шу куни маҳалла аҳли маданий ҳордиқ чиқардилар. 

Байрамона тарзда ўтган тадбирда жамоатчилик ишларида фаол бўлган фуқаролар маҳалла ходимлари томонидан эсдалик совғалари топширилди.

Фарғона шаҳар ҳокимлиги Ахборот хизмати