1. Бош сахифа
2. Янгиликлар

Ободонлаштириш бошқармаси ходимларига замонавий меҳнат қуроллари топширилди

×

Фарғона шаҳридаги барча марказий кўчалар, жамоат жойлари, ҳиёбонлар ҳамда аҳоли дам олиш масканларининг озода бўлиши, кўкаламзорлаштиш ишларининг бажарилишида ободонлаштириш бошқармаси ходимларининг ўрни беқиёс. Эрта тонгдан ишга отланган ҳар бир ходим шаҳримизнинг кундан кун чирой очиб боришида сидқидилдан меҳнат қилишмоқда. 

Албатта, бу жараёнларда уларнинг юкини енгил қилувчи меҳнат қуролларининг мавжудлиги  муҳим ҳисобланади. Бугун Фарғона шаҳар ҳокими Восилжон Назаров бир гуруҳ бошқарма ходимлари билан учрашди. Бошқарма ходимларининг машаққатли ва самарали меҳнатлари эътироф этилди. Улар билан айни кунларда бажарилиши муҳим бўлган вазифалар бўйича суҳбатлашди. 

Ишчи-ходимларнинг фикрлари эшитилди, таклифлари ўрганилди. Тадбир давомида ишчиларга 50 та замонавий ўт ўриш мосламалари топширилди.

Фарғона шаҳар ҳокимлиги Ахборот хизмати