1. Бош сахифа
2. Янгиликлар

Эҳтиёжманд оилалар ҳамда якка-ёлғизларга юзга яқин электр иситгичлар топширилди

×

Аввал хабар берганимиздек, шаҳримиздаги масъуллар томонидан хонадонларда куз-қиш мавсумини ўрганиш мақсадида хатлов ўтказилмоқда. Хатлов натижасида хонадонларда аниқланган муаммолар тезкорлик билан бартараф этилмоқда. 

Озиқ-овқат маҳсулотларига эҳтиёжи бўлган оилаларга шаҳар ҳокимлиги томонидан зарурий маҳсулотлар берилмоқда. Шунингдек, хатловда эҳтиёжманд оилалар ҳамда якка-ёлғиз яшаётган фуқароларнинг электр иситгичларга эҳтиёжи борлиги аниқланди. Ўтган кунлар давомида эҳтиёжманд оилалар ва якка-ёлғизларга шаҳар ҳокимлиги томонидан ажратилган юзга яқин электр иситгичлар ҳокимнинг оила ва хотин-қизлар масалалари бўйича ўринбосари Дилшодахон Холматова томонидан етказиб берилди.

Оила вакиллари ҳамда якка-ёлғиз яшаётган фуқаролар бундай кўрсатилган эътибор ва ғамхўрликдан мамнун эканликларини билдиришди. 

Фарғона шаҳар ҳокимлиги Ахборот хизмати