1. Бош сахифа
2. Янгиликлар

Байрам арафасида 150 ўринли давлат мактабгача таълим ташкилоти фойдаланишга топширилди

×

Ўзбекистон Республикаси Конституцияси 30 йиллиги байрами арафсида Фарғона шаҳридаги 12-давлат мактабгача таълим ташкилоти ҳам фойдаланишга топширилди. Давлат дастури асосида 5.5 млрд. сўм маблағ ажратилиб янгидан қурилган бинонинг очилиш маросимида Фарғона шаҳар ҳокимининг биринчи ўринбосари Бобуржон Мўминов, секторлар раҳбарлари ҳамда кенг жамоатчилик вакиллари иштирок этдилар.

Мазкур мактабгача таълим ташкилоти аввал 100 ўринли бўлиб, тарбияланувчилар учун етарлича шарт-шароитлар ва қулайликлар бўлмаган. "Фарғона кристал қурилиш" МЧЖ томонидан янгидан бунёд этилган боғча 150 ўринга мўлжалланган.

Тадбирда сўзга чиққанлар йиғилганларни Бош Қомусимизнинг 30 йиллиги байрами ҳамда янги бунёд этилган таълим ташкилотининг топширилаётганлиги билан муборакбод этдилар. Шундан сўнг тадбир иштирокчилари янги бинода педагог ва тарбияланувчилар учун яратилган шароитлар билан танишдилар. 

Фарғона шаҳар ҳокимлиги Ахборот хизмати