1. Бош сахифа
2. Янгиликлар

"Коррупция - тараққиёт заволи" мавзусида давра суҳбати ўтказилди

×

Нодавлат нотижорат "Зиёнур" аёллар ва ўсмирларни ижтимоий-ҳуқуқий, экологик қўллаб-қувватлаш маркази томонидан Фарғона шаҳар "Машъал" маҳалла фуқаролар йиғинида давра суҳбати ўтказилди. Тадбирда маҳалла ходимлари, бошқарув сервис компаниялари раҳбарлари, фаоллар ва кенг жамоатчилик вакиллари иштирок этишди. 

"Коррупция - тараққиёт заволи" мавзусида ташкилланган давра суҳбатида марказнинг бошқарув кенгаши раиси Ўғилой Давронова, ҳуқуқшунос Дилшоджон Мадумаров, тарғиботчи Дилоромхон Ғофурова ҳамда  "Машъал" МФЙ хотин-қизлар фаоли Муқаддасхон Рожиевалар томонидан коррупцияга қарши курашиш, ёшларни ватанпарварлик руҳида тарбиялаш каби масалалар бўйича маълумотлар берилди. 

Тадбир давомида иштирокчилар ўзларини қизиқтирган саволларига мутахассислардан жавоблар олишди. Фуқароларга мавзу бўйича марказ томонидан тайёрланган буклетлар тарқатилди. 

Фарғона шаҳар ҳокимлиги Ахборот хизмати