1. Бош сахифа
2. Янгиликлар

«Муқаддасдир Ватан байроғи!» шиори остида маънавий-маърифий тадбир ўтказилди

×

Фарғона шаҳридаги «Темурбеклар мактаби» ҳарбий академик лицейида Ўзбекистон Республикаси байроғи қабул қилинганлигининг 31 йиллиги муносабати билан «Муқаддасдир Ватан байроғи!» шиори остида маънавий-маърифий тадбир ўтказилди. Тантанали тадбирда Республика Маънавият ва маърифат маркази вилоят бўлими ва шаҳар бўлинмаси вакиллари, таълим муассасасининг ўқитувчи ва ўқувчилари ҳамда кенг жамоатчилик вакиллари иштирок этишди.

Тадбирни Республика Маънавият ва маърифат маркази Фарғона вилояти бўлим бошлиғи Мақсуджон Сулаймонов очиб, байроғимизнинг 31 йиллиги билан йиғилганларни табриклади ҳамда ўқувчиларга байроқ тўғрисида тушунчалар ва маълумотлар берди.

Тадбир давомида 1-босқич ўқувчиларидан ташкил топган "Ташаббускор" ва 2-босқич ўқувчиларидан ташкил топган "Темурбеклар" жамоалари ўртасида интеллектуал беллашув ўтказилди. Жамоалар 1-шартда байроқ ҳақида маълумотлар ва шеърлар айтилди. 2-шартда "Заковат" интеллектуал ўйини ташкилланди. 3-шартда гуруҳлар Ўзбекистон Республикаси байроғи расмини чизиб, таърифлаб беришди.

Фарғона шаҳар маданият бўлимининг Абдулла Қодирий маркази санъаткорлари ва иқтидорли ўқувчилари томонидан ижро этилган куй-қўшиқлар барчага манзур бўлди. Тадбир сўнгида беллашувда ғолиб бўлган жамоа ва фаол иштирокчиларга диплом ва эсдалик совғалари топширилди. 

Фарғона шаҳар ҳокимлиги Ахборот хизмати