Юридик ва жисмоний шахслар томонидан веб сайт орқали бўлган мурожаатлар
Жами мурожаатлар: 38Ишонч телефони статистикаси
Фаол теримчиларга эсдалик совғалари топширилди
2022-10-17 02:17:42 806
Бугун шаҳар ҳокими ўринбосари Дилшодахон Холматова ҳамда Республика Маънавият ва маърифат маркази шаҳар бўлинмаси раҳбари Азизбек Сойибназаровлар Фарғона туманидаги “FERGANA OSEANA“ кластрига қарашли дала майдонларида пахта йиғим-терим ишларида фаол қатнашаётган шаҳримиз ҳашарчилари билан учрашдилар.
Фарғона шаҳар ҳокимлиги томонидан ҳашарчиларга фаолликлари учун ўз миннатдорчилик билдирилди. Пахтани ёғин-сочин кунларга қолдирмай йиғиб-теришда меҳнатларини аямай ўз ҳиссаларини қўшиб келаётган Фарғона шаҳримизда яшовчи кўнгилли аҳоли вакилларидан ташкил топган ҳашарчи пахтакорларга ҳокимликнинг эсдалик совғалари топширилди.
Шунингдек, Фарғона шаҳар маданият бўлими томонидан ҳашарчилар учун маданий дастур намойиш этилди. Хушовоз хонандалар томонидан ижро этилган куй-қўшиқлар ҳашарчиларни рақсга чорлади.
Фарғона шаҳар ҳокимлиги Ахборот хизмати
