1. Бош сахифа
2. Янгиликлар

Вилоятимизда “Кексалар ҳафталиги” доирасида турли тадбирлар, учрашувлар ташкил этилмоқда

×

Республика Маънавият ва маърифат маркази Фарғона вилоят бўлими ҳамда Фарғона политехника институти ҳамкорлигида “Нуронийлар ФарПИ оиласида меҳмонда” деб номланган учрашув ўтказилди. 

Бир гуруҳ меҳнат фахрийлари талабалар турар жойида яратилган шароитлар, замонавий очиқ кутубхона, Ёшлар маркази, институтда ташкил этилган "Қир гули" талабалар театр студияси фаолияти билан танишдилар. Улар талабалар учун институтда яратилган шароитларни кўриб, ҳаваси янада ортди. Унутилмас ёшликнинг завқли онларини ёдга олиш асносида, ёшлар билан биргаликда гўзал шеърлар ўқишиб, талабалик қўшиқларини хиргойи қилдилар, ўзларининг ҳаётий тажрибалари билан ўртоқлашдилар.

Учрашув якунида фахрийлар кечки овқатни институт ошхонасида талабалар билан бирга тановвул қилдилар ва миннатдорчилик ўрнида ёшларга бадиий адабиётлар совға қилдилар.