1. Бош сахифа
2. Янгиликлар

НУРОНИЙЛАР УЧУН КОНЦЕРТ ДАСТУРИ НАМОЙИШ ЭТИЛДИ

×

4-сонли болалар мусиқа ва санъат мактабида маҳалла ва нуронийларни қўллаб-қувватлаш ҳамда шаҳар маданият бўлими ҳамкорлигида "Кексалар хафталиги" доирасида маданий тадбир ўтказилди.

Тадбирда Республика маҳалла ва нуронийларни қўллаб-қувватлаш вазирлиги бошқарма бошлиғи Собиржон Ғаниев ҳамда вилоят бошқармаси бошлиғи ўринбосари Зокиржон Рахмоновлар сўзга чиқишиб, мамлакатимизда "Кексалар ҳафталиги" доирасида ўтказилаётган маданий-маърифий тадбирлар ҳақида тўхталиб ўтишди.

Тадбирда шаҳар маданият бўлимининг бадиий жамолари, вилоят мусиқали драма театри актёрлари, Фарғона ихтисослаштирилган мақом ва санъат ҳамда 4-сонли болалар мусиқа ва санъат мактабларининг концерт дастурлари ҳамда вилоят мусиқали драма театри ижодкорлари томонидан “Ал-Фарғоний” спектакли намойиш этилди. Тадбир иштирокчилари бўлган кекса-нуронийлар маданий ҳордиқ чиқаришиб, ташкилотчиларга ўз миннатдорчиликларини билдиришди. 

Фарғона шаҳар ҳокимлиги Ахборот хизмати