1. Бош сахифа
2. Янгиликлар

“Фидойи ёшлар етакчиси” кўрик-танловининг Фарғона вилояти босқичида шаҳримиз вакили ғолиб бўлди

×

Танловда шаҳар ва туман босқичларидан ғолиб бўлган 19 нафар ёшлар етакчиси 4 та шарт бўйича билим ва иқтидорини синовдан ўтказди.  (https://t.me/fargonamanaviyhayoti/2152)Маълумки, вилоятдаги 1 минг 62 та маҳалла фуқаролар йиғинларининг барчасида ёшлар етакчилари тизимли ишларни амалга оширмоқда.
Вилоят ҳокими ўринбосари Жамшед Ҳатамов танловнинг очилиш маросимида ёшлар етакчилари маҳаллаларда катта куч эканини таъкидлаб, барча иштирокчиларга омад тилади.
Танлов якунига кўра, Фарғона шаҳар “Гулзор” маҳалла фуқаролар йиғини ёшлар етакчиси Жаҳонгир Исроилов биринчи ўринни қўлга киритди. Бувайда туманидаги “Янгиқадам” маҳалла фуқаролар йиғини ёшлар етакчиси  Бунёджон Отақулов иккинчи, Қўқон шаҳар “Истиқлол” маҳалла фуқаролар йиғини ёшлар етакчиси Иродахон Қаюмова учинчи ўринни эгаллади. 
Ғолиблар ташкилотчиларнинг диплом ва совғалари билан тақдирландилар.