1. Бош сахифа
2. Янгиликлар

1-сектор ҳудудидаги "Шакарқишлоқ" маҳалласида шаҳар ҳокимининг сайёр қабули ўтказилди

×

Бугун Фарғона шаҳар ҳокими Восилжон Назаров томонидан жисмоний ва юридик шахслар учун сайёр қабул ўтказилди. Қабул жараёнида Ўзбекистон Республикаси Президентининг Фарғона шаҳар халқ қабулхонаси мудири Ғайратжон Паттаев ҳамда ҳоким ўринбосарлари ҳам иштирок этишди.
Қабул давомида олтмиш нафарга яқин жисмоний ва юридик шахслардан тушган мурожаатлар, масъул раҳбарлар иштирокида ўрганилди. Йигирмага яқин мурожаатлар ижобий ҳал қилинди.
Келиб тушган мурожаатлар бўйича белгиланган тартибда ўрганиб чиқиш ва натижаси бўйича муаллифларга маълум қилиш учун масалага дахлдор ходимларга тегишли топшириқлар берилди.
Қабул сўнгида ўтган сайёр қабуллар давомида қайд этилган мурожаатларнинг ўрганилиши, ижобий ҳал этилиши таҳлил қилинди. Фуқароларнинг мурожаатларига эътиборсиз бўлган масъуллар қатъий огоҳлантирилди.