1. Бош сахифа
2. Янгиликлар

Спортнинг кураш ва шахмат туридан "Шаҳар прокурори кубоги" учун мусобақа ўтказилди

×

Аввал хабар берганимиздек, бугун спортнинг кураш ва стол тенниси турлари бўйича «Фарғона шаҳар прокурори кубоги» мусобақаларига старт берилди. Мусобақа доирасида «Соғлом ҳаёт учун 5000 қадам» акцияси ҳам ўтказилди. Шунингдек, спортчилар ҳамда шаҳримиз ёшларининг бўш вақтларини мазмунли ташкил этиш мақсадида спортнинг шахмат ва шашка туридан ҳам ўртоқлик мусобақалари ташкилланди. 

Тадбир аввалида Фарғона шаҳар ҳокими Восилжон Назаров ва шаҳар прокурори Дилмуроджон Қобуловлар сўзга чиқишиб, иштирокчиларга омад тилашди. 
Шундан сўнг, кураш спорт тури бўйича маҳалла ва сектор босқичи ғолиблари бўлган ўғил-қизлар муросасиз баҳсларда беллашдилар. Мазкур беллашувда 8 та вазн тоифасида 120 нафар ўғил-қизлар орасидан ғолиблар сараланди.

Стол тенниси мусобақаси ҳам кўтаринки руҳда ўтди. Унда 150 нафар ҳаваскор ёш спортчилар қатнашдилар. Ўғил болалар ўртасида "Табассум" МФЙ вакили Шаҳзодбек Тоштемиров, қизлар ўртасида эса "Баркамол" МФЙ вакиласи Гўзалой Абдуқаҳҳоровалар биринчиликни қўлга киритишди.

Ғолиб ва совриндорларни тақдирлаш маросими ҳам тантанали руҳда ўтказилди. Совриндор ёшларимиз шаҳар ҳокими ва прокурори томонидан диплом ва эсдалик совғалари ҳамда медаллар билан тақдирланишди.