1. Бош сахифа
2. Янгиликлар

Иштирокчилар тарғиботнинг янги усул ва илғор тажрибалари билан танишди

×

Фарғона шаҳар ҳокимлигининг мажлислар залида «Фарғона вилоятида маънавий-маърифий ишлар самарадорлигини ошириш, тарғиботнинг янги усул ва воситаларидан самарали фойдаланиш» мавзусида ўқув-амалий семинари бўлиб ўтди. Унда шаҳар ҳокимлиги масъуллари, маҳаллаларда фаолият юритаётган хотин-қизлар фаоллари, имом-хатиблар, отинойилар ҳамда фаоллар иштирок этишди.
Семинар аввалида Фарғона вилояти ҳокимининг ўринбосари, Маънавият ва маърифат кенгаши раисининг ўринбосари Жамшид Хатамов  иштирок этиб, шаҳримизда маънавий-маърифий ишлар самарадорлигини ошириш борасида сўз юритди. Шунингдек, маънавий-маърифий ишлар тизимини тубдан такомиллаштиришнинг устувор йўналишларига тўхталди.
Тадбир давомида диний бағрикенглик, ёш авлод тарбияси, миллий маънавият, шу билан бирга хужра ва ноқонуний диний сабоқ беришни олдини олиш масалаларига ҳам алоҳида эътибор қаратилди. Очиқ ва қизғин ўтган семинарда иштирокчилар тарғиботнинг янги усуллари ва илғор тажрибалари билан ҳам таништирилди.