1. Бош сахифа
2. Янгиликлар

"Темурбеклар мактаби"нинг ўқитувчи ва ўқувчиси республикада биринчи бўлишди

×

Республика Маънавият ва маърифат маркази, Фанлар академияси тарих институти, Давлат хавфсизлик хизмати, Мудофаа, Ички Ишлар ҳамда Фавқулодда вазиятлар вазирлиги, шунингдек Ўзбекистон Республикаси Миллий гвардияси ҳамкорлигида мамлакатимиздаги "Темурбеклар мактаби" ҳамда "Ёш чегарачилар" ҳарбий-академик лицейлари ўртасида "Янги Ўзбекистонга қанот бўламиз!" шиори остида "Энг намунали таълим муассасаси", "Энг намунали ўқитувчи" ва "Энг намунали ўқувчи" танловлари ўтказилди.
Энг қувонарлиси, Фарғона шаҳридаги "Темурбеклар мактаби"нинг ўқитувчи ва ўқувчилари мазкур танловда фаол иштирок этишди. "Энг намунали ўқитувчи" танловида Ҳусниддин Қорабоев, "Энг намунали ўқувчи" танловида Асилбек Қурбонбоевлар танлов ғолиблигини қўлга киритишди. 
Бугун танлов ғолиблари кенг жамоатчилик вакиллари иштирокида Марғилон шаҳридаги темирйўл вокзалида тантанали кутиб олинди. Шундан сўнг, "Темурбеклар мактаби"да тадбир ташкилланди. Кўтаринки руҳда ўтган тадбирни мактаб директори Беҳзоджон Исматов очиб, ғолибларни муборакбод этди. Шундан сўнг, Республика Маънавият ва маърифат маркази вилоят бўлими раҳбар ўринбосари Шавкатжон Тўйчиев, шаҳар бўлинмаси раҳбари Азизбек Сойибназаров ҳамда устоз ва мураббийлар танлов иштирокчиларини қутлашиб, кейинги ишларида муваффақиятлар тилашди. Ғолибларга диплом ва эсдалик совғалари топширилди.
Тадбир давомида шаҳримиздаги таълим муассасаларининг ижодий-маданий масалалар бўйича тарғиботчилар ҳамда иқтидорли ўқувчилар томонидан тайёрланган маданий дастур ҳам намойиш этилди.