1. Бош сахифа
2. Янгиликлар

ДХХ РАИСИ КУБОГИ: ҒОЛИБЛАР АНИҚЛАНДИ

×

Аввал хабар берганимиздек, Фарғона шаҳрида футбол ва мини футбол бўйича "ДХХ раиси кубоги" баҳслари ўтказилди. Бугун мусобақанинг финал учрашувлари бўлиб ўтди. 
ФарДУнинг марказий ўйингоҳида ўтказилган финал ўйинларида спортсевар ёшлар, таниқли санъаткорлар ҳамда ДХХ ва кенг жамоатчилик вакиллари иштирок этишди.
Натижаларга кўра, мини футболда "Соҳибкор" маҳалласи 1-, "Гулистон" маҳалласи 2-,  "Ибн Сино" маҳалласи жамоаси эса 3-ўринни эгаллади. Футболда эса "Баҳор" ва "Жўйдам" маҳаллалари беллашди. Кубок "Баҳор" маҳалласи ёшларига насиб қилди. 3-ўринга эса "Янги йўл" маҳалласи жамоаси муносиб топилди.
Мусобақанинг тақдирлаш маросимида ўтказилган концерт дастурида Тошкент шаҳридан ташриф буюрган таниқли санъаткорлар ҳамда ижодкорлар томонидан маданий дастур намойиш этилди. Шундан сўнг, Фарғона шаҳар ДХХ вакиллари, сектор раҳбарлари ҳамда санъаткорлар томонидан ғолиб жамоаларга ҳамда шахмат бўйича ўтказилган мусобақа ғолибларига кубок ҳамда эсдалик совғалари топширилди.