1. Бош сахифа
2. Янгиликлар

Муносиблар тақдирланди

×

Ўз билим ва истеъдодини Ватанимиз ва халқимизга муносиб фарзанд бўлишдек олижаноб мақсадларга сарфлашга чоғланиб турган сиздек тиришқоқ ва интилувчан фарзандларимиз - бизнинг ишончимиз ва таянчимиз, Янги Ўзбекистоннинг олтин фонди, бебаҳо хазинасидир.
Ўзбекистон Республикаси Президенти Шавкат Мирзиёевнинг мамлакатимиз мактабларини битирувчи ўғил-қизларига йўллаган табригидан
Фарғона шаҳар 2-айрим фанлар чуқур ўрганиладиган давлат ихтисослаштирилган мактабида «Сўнгги қўнғироқ» тадбири бўлиб ўтди. Тадбирда Фарғона шаҳар ҳокими Восилжон Назаров, вилоят ҳокимининг давлат тили масалалари бўйича маслаҳатчиси Соҳибжамол Тонготарова, вилоят малака ошириш ва қайта тайёрлаш институти ректори Феруза Соҳибова, Ўзбекистон Республикаси Вазирлар Маҳкамаси ҳузуридаги Хорижий тилларни ўрганишни оммалаштириш агентлиги Фарғона вилояти ҳудудий вакиллиги раҳбари Азиза Раҳматова, шаҳар халқ таълими бўлими мудири Гулхумор Халиловалар иштирок этдилар.
2021-2022 ўқув йилида мактабни тамомлаётган 162 нафар 11-синф битирувчиларининг 60 нафарлари 5,5-8 баллик IELTS халқаро сертификатига эга бўлган бўлса, 12 битирувчи муддатидан аввал олий ўқув юртларининг талабаларига айландилар.
Тадбир давомида Фарғона шаҳар ҳокими Восилжон Назаров томонидан илм-фан, спорт соҳасида ютуқларга эришган ўқувчи ва ўқитувчиларга фахрий ёрлиқ ҳамда китоблар жамланмаси совға қилинди. 
Шунингдек, Хорижий тилларни ўрганишни оммалаштириш агентлиги Фарғона вилояти ҳудудий вакиллиги раҳбари Азиза Раҳматова томонидан мактаб директори Нигора Ахмедова ва IELTS сертификатини олган ўқувчилар тақдирландилар.
Расмий саҳифаларимизда бизни кузатиб боринг.