1. Bosh sahifa
2. Yangiliklar

Gazdan foydalanish qoidalarini bilish va ularga qatʼiy rioya qilish zarur!

×

Favqulodda vaziyatlar vazirligi aholidan sodir boʼlishi mumkin boʼlgan gaz-havo aralashmasining chaqnashi, yongʼin hamda is gazidan zaharlanishning oldini olish maqsadida, quyidagilarga rioya qilishingizni soʼrab qoladi:

➖ Gaz va muqobil yoqilgʼi (koʼmir, oʼtin neftь mahsulotlari va boshqalar) turlaridan foydalanishda xavfsizlik qoidalariga qatʼiy rioya eting;

➖ Аgar xonada gaz hidini sezsangiz, chiroq va uchqun chiqaruvchi moslamalardan foydalanmang, darhol xonani shamollatish chorasini koʼring;

➖ Tezda gazni oʼchiring va derazalarni oching;

➖ Yorituvchi hamda boshqa elektr asboblarini yoqmang yoki yoniq boʼlsa oʼchirmang;

➖ Gazni yoqishdan oldin gorelkaga gugurt tutib, shundan keyingina gazni oching.

➖ Nostandart (qoʼlbola yasalgan) yoki sertifikatga ega boʼlmagan isitish pechlari va anjomlaridan foydalanmang;

➖ Isitish pechlari dudburonlarining toza va soz holatda boʼlishini taʼminlang;

➖ Gaz yoki boshqa muqobil yoqilgʼiga moslashtirilgan isitish pechlari hamda suyultirilgan uglevodorod gaz balonlarini (anjomlari)ni dam olish (uxlash) xonalariga olib kirmang;

➖ Oshxonada oʼrnatilgan tabiiy gazda ishlovchi gaz plitalaridan xonalarni isitish maqsadida foydalanmang;

➖ Xonalarni isitishda ochiq olov (koʼmir va oʼtin choʼgʼlari)dan foydalanmang;

➖ Havoni almashtiruvchi shamollatish shaxtalari yoki tuynuklarni ochiq va ishchi holatda boʼlishini taʼminlang;

➖ Uyingizga kelgan FVV, «Hududgaztaʼminoti» xodimlari tavsiyalariga rioya qiling.

Ravshan Xolmatov, Fargʼona shahar FVB boshligʼi oʼrinbosari.