1. Bosh sahifa
2. Yangiliklar

Farg‘ona shahar hokimligining bildirishi

“Farg‘ona haqiqati” gazetasining 2020 yil 19 fevraldagi 14-sonida Farg‘ona shahrida tashkil etilgan “Yoshlar mehnat guzari” faoliyati haqida xabar e’lon qilingan.

Haqiqatan shahardagi Аlisher Navoiy kinosaroyi ro‘parasida joylashgan 2 qavatli binoda “Yoshlar mehnat guzari” o‘z faoliyatini boshlagan. Lekin hech qancha fursat o‘tmay foliyat ko‘rsatishni to‘xtatgan.

Bunga mazkur bino va hududda taʼmirlash va qo‘shimcha qurilish ishlari boshlangani sabab bo‘lgan. Hozirda shaharda yoshlarni tadbirkorlikka jalb qilish, ularga turli iqtisodiy, huquqiy, psixologik maslahatlar berish, yangi innovatsiyalarni joriy etishlari uchun Yoshlar innovatsion markazi o‘z faoliyatini boshladi.

“Yoshlar mehnat guzari” faoliyatini yo‘lga qo‘yish uchun esa har tomonlama qulay va foydali maskan tanlash ustida ish olib borilmoqda.