1. Bosh sahifa
2. Yangiliklar

QATAG’ON QURBONLARI AVLODLARI OILALARI HOLIDAN XABAR OLISH ISHLARI DAVOM ETMOQDA

×

Respublika ma'naviyat va ma'rifat markazi Farg’ona shahar bo’linmasi jamoasi o’tgan asrning 1905 yilida tug’ilib, Farg’ona shahrida yashab o’tgan, 1937 yilda “xalq dushmani” sifatida ayblanib, Rossiyaning sovuq o’lkalariga surgun qilingan Tojixon Shodiyeva xonadonida bo’lishdi.

U haqida uning tutingan farzandi Mamlakat Yoqubova aytib bergan voqealar ham o’sha davrlarning nohaqliklarini, qiyinchiliklarini ifoda etdi. 1961 yilda oqlanganidan keyin ham Tojixon Shodiyeva o’z g’ayrati va shijoatini so’ndirmaydi va xalq xo’jaligida rahbarlik lavozimlarida faol mehnat qiladi. El-yurt hurmatini qozonadi.

Biz Tojixon Shodiyeva kabi fidoyi va jonkuyar yurt farzandlari, qatag’on qurbonlari hayoti va faoliyatini chuqurroq o’rganib, ularni yoshlarga ibrat va namuna qilib ko’rsatish ishlarini yanada kuchaytirishimiz lozim.

Xonadon egalari bilan bo’lgan samimiy muloqotlarda mustabid tuzum davrida qatag’on qilingan ajdodlarimiz xotirasini abadiylashtirish, Vatanimiz ozodligi va erkinligi yo’lida qurbon bo’lgan xalqimizning suyukli farzandlari nomini tiklash, ularning faoliyati va merosini o’rganish hamda targ’ib etish haqida so’z bordi.

Bizni ijtimoiy tarmoqlarda kuzating
Facebook | Telegram