1. Bosh sahifa
2. Yangiliklar

Murojaatlarni ijobiy hal etishga alohida e’tibor qaratilmoqda

×

Joriy haftadagi sayyor qabul shahar hokimligida o‘tkazildi. Unda Farg‘ona shahar hokimi Vosiljon Nazarov, sektor rahbarlari, O‘zbekiston Respublikasi Prezidentining Xalq qabulxonasi shahar bo‘limi mudiri Tavakkaljon Rahimov va hokim o‘rinbosarlari ishtirok etishdi.

Qabul davomida o‘ttiz nafardan ortiq fuqarolarning murojaatlari mas’ullar ishtirokida o‘rganildi. O‘n nafarga yaqin fuqarolarning murojaatlari ijobiy hal qilindi. Beshta murojaat yuzasidan huquqiy tushuntirishlar berildi.

Kelib tushgan murojaatlarni o‘rganish va natijasi bo‘yicha mualliflarga ma’lum qilish uchun masalaga daxldor xodimlar, korxona, tashkilot va bo‘limlarga topshiriqlar berildi. 

Qabul so‘ngida murojaatlarni hal etilishi darajasi tanqidiy tahlil qilindi. Fuqarolarning murojaatlarini ijobiy hal etish yuzasidan shahar hokimligi tomonidan amaliy yordam ko‘rsatish belgilandi. Shuningdek, kuz-qish mavsumiga puxta tayyorgarlik ko‘rish, kommunal sohalardagi muammolarni tezkorlik bilan bartaraf etish masalalariga ham alohida e’tibor qaratildi.