1. Bosh sahifa
2. Yangiliklar

Mahallaning to‘rt kilometrdan ortiq ichki yo‘llariga asfalt yotqazildi

×

Farg‘ona shahridagi bir qator mahallalarda dasturlarga asosan ichki ko‘chalarning holati yaxshilanib, ta’mirlash ishlari olib borilmoqda. Aholini qiynab kelayotgan muammolarini bartaraf etish maqsadida davlat byudjetidan mablag‘lar ajratilgan. 
Jumladan, shahrimizdagi "Cheksho‘ra" mahalla fuqarolar yig‘inida ham asfaltlash ishlari yakuniga yetkazildi. Mahalladagi ichki ko‘chalarning 4300 metr qismi ta’mirlanib, asfalt yotqazildi. Mazkur ishlar uchun davlat byudjetidan ikki milliard so‘mdan ortiq mablag‘ sarflandi. 
Yaqinda mahallada Prezidentimizning 2022 yil 25 oktyabrda qabul qilgan 408-sonli “2022-2023 yillarda mahallalar infratuzilmasini yanada yaxshilash bo‘yicha qo‘shimcha chora-tadbirlar to‘g‘risida”gi qarori asosida 7 kilometr ichimlik suvi tarmog‘i tortilgan edi. 
Mahalla ahli hududda olib borilayotgan obodonlashtirish ishlaridan mamnun bo‘lishib, Davlatimiz rahbariga o‘z minnatdorchiliklarini bildirishmoqda.